Eresekterge qoljetimdi sport nysandary 26 paıyzdy ǵana quraıdy - G. Yqsanova
ASTANA. QazAqparat - Eresekterge qoljetimdi sport nysandary 26 paıyzdy ǵana quraıdy. Búgin Májiliste ótip jatqan buqaralyq sportty jáne dene shynyqtyrýdy damytý taqyrybyndaǵy Úkimet saǵatynda Áleýmettik-mádenı damý komıtetiniń tóraıymy, depýtat Gúlnár Yqsanova osylaı málim etti.
«Sportqa qarajat udaıy jetkiliksiz sekildi bolyp kórinedi. Másele, qarajattyń tapshylyǵynda emes, másele sportqa bıýdjetti qalyptastyrýdaǵy tásildiń eskirgendiginde. Árıne, oblys ákimderi buqaralyq sportqa qaraǵanda fýtbol komandaryn unatady. Degenmen, respýblıkalyq bıýdjetten buqaralyq sportqa bólinetin qarajat ta eki paıyzdy ǵana qurap otyr», dedi G. Yqsanova.
Sonymen qatar, depýtat sport nysandarynyń qoljetimdiligi máselesine de toqtalyp ótti.
«Elimizde 35 780 sport ǵımaraty bolǵanymen, olardyń basym bóligi halyqqa, sonyń ishinde aýyldaǵy turǵyndaryna qol jetimdi emes. Eki myńǵa tarta sport nysany jekemenshik. Sonymen qatar, sport nysandarynyń 73 paıyzy bilim mekemelerine tıesili. Mektepterdegi sport zaldarynyń qamtymdylyǵy 80 paıyzdy, al aýyldaǵy mektepterdiń qamtymdylyǵy 60 paıyzdy qurap otyr. Kóptegen joǵary oqý oryndarynda sport zaldary stýdentter úshin tek sabaq ýaqytynda ǵana qoljetimdi. Al eresek jurtshylyqqa qoljetimdi sport nysandary 26 paıyzdy ǵana quraıdy», dedi depýtat.
