Eresekterdiń dáristeri balalardy zeriktiredi - ShQO qutqarýshylary mýltfılm shyǵardy
ShQO TJD baspasóz qyzmetiniń málimetinshe, «Tentek pen Aııa» atty mýltfılm balalarǵa qys mezgilindegi qaýipsizdik sharalaryn túsindiredi.
Shybjyq Tentek syrǵanaq teýip, qarmen oınaǵandy jaqsy kóredi. Árıne, ol qaýipsizdik sharalaryn saqtaý týraly qaperge de almaıdy. Tentekti jónge salý úshin onyń dosy Aııa árqashan qasynda júredi. Aııanyń keńesteri men usynystaryn qysqy demalysty jaraqatsyz ótkizgisi keletin túgel balalar muqııat tyńdaýy kerek.
«Keıipkerler retinde qarapaıym qyz ben uldy aldyq. Olar arqyly qaýipsizdik erejelerin túsindirip, jazataıym oqıǵalardyń aldyn alǵymyz keledi. Shynyn aıtqanda, balalar eresekterdiń ish pystyratyn dáristerin unatpaıdy. Sondyqtan, biz ózderine qol jetimdi jáne túsinikti tilmen túsindirýdi jón dep taptyq», - deıdi departament bastyǵynyń orynbasary Arman Toqanov.
Bul – ShQO qutqarýshylarynyń Tentek pen Aııa týraly shyǵarǵan úshinshi mýltfılmi. Buǵan deıin órt qaýipsizdigin saqtaý, sýda júris-turys erejeleri týraly mýltfılmder shyǵyrylǵan bolatyn.
