Eresekter kúnine 400 gramnan artyq jemis-jıdek jemegeni jón - komıtet

NUR-SULTAN. QazAqparat - Sanııatarlyq-epıdemıologııalyq baqylaý komıteti jaz kezinde aǵzany dárýmenmen qamtamasyz etý jóninde aqyl-keńesin berdi, dep habarlaıdy QazAqparat.

«Dárýmender paıda ákelsin deseńiz, ony durys paıdalana bilińiz. Jaz mezgili aǵzany jańa pisken tabıǵı jemis-jıdektermen, kókónistermen qýattaıtyn maýsymdyq kezeń. Jaz boıy alǵan azyq bir jylǵa qajetti dárýmender qoryn qalyptastyra ala ma? Jemis-jıdekterdi tutynýdyń ruqsat etilgen óz mólsheri bar: mysaly, eresekter kúnine 400 gramǵa deıin jemis jeı alady. Kórsetilgen mólsherden artyq tutynýǵa bolmaıdy, óıtkeni bul taǵamdardyń barlyǵynda organıkalyq qyshqyldar bar, al ash qarynǵa paıdalanǵan jaǵdaıda asqazannyń shyryshty qabyǵyn titirkendirýi múmkin» dep eskertedi komıtet.

Jemis-jıdektegi paıdaly zattardyń aǵzadan shyǵý kezeńi bar — bireýinde bul óte qysqa, al endi birinde ol birneshe aıǵa sozylady.

Atap aıtqanda:

- natrıı úshin bul 2-3 kún;

- V1 dárýmeni úshin 30-50 kún;

- S dárýmeni 50-120 kún;

- RR, V2 vıtamıni 60-180 táýlik;

- A dárýmeni 90-365 kún;

- temir úshin - 125 kún (áıelderde) jáne 750 kún (erlerde).

Aǵzadan shyǵarý kezeńine jeke fızıologııalyq qajettilikter de áser etedi.

Jyl boıy teńdestirilgen dıetany ustanyńyz. Jazda kókónister, jıdekter men jemisterdi kóbirek jeýge bolady, biraq bul sizdi jyl boıyna dárýmendermen qamtamasyz etedi degendi bildirmeıdi.

Vıtamın qoryn jınap, paıdaly qasıetin joǵaltpaı saqtaýdyń eń jaqsy tásili - maýsymdyq jıdekter men kókónisterdi muzdatý.

Bul tásildi qoldana otyryp siz birinshiden, aqshany únemdeısiz, ekinshiden qysta tabıǵı vıtamınderdi tutyna alasyz.