Erekshe jandarǵa arnalǵan ınvataksılerdiń sany artyp keledi

ASTANA. KAZINFORM – Kólik mınıstrligi jergilikti atqarýshy organdarmen birlese otyryp respýblıkalyq mańyzy bar qalalar men óńirlerde múmkindigi shekteýli jandardyń júrip-turýyna qolaıly jaǵdaı jasaý maqsatynda ınvataksı sanyn arttyrý boıynsha jumysty jalǵastyryp jatyr.

Máselen, bıyl elordada arnaıy mashınalardyń sany taǵy 26 birlikke ulǵaıdy. Osylaısha, Astana qalasyndaǵy atalǵan sanattaǵy ınvataksılerdiń jalpy sany 145-ke jetip otyr.

QR Kólik mınıstri Marat Qarabaev pen Astana qalasynyń ákimi Jeńis Qasymbek halyqtyń qaýqary az toptaryn tasymaldaýǵa arnalǵan arnaıy mashınalardyń artyqshylyǵymen tanysty. Bul rette arnaıy kótergishtermen jabdyqtalǵan avtomobılder erekshe qajettiligi bar azamattardyń júrip-turýyna yńǵaıly jaǵdaı jasap otyrǵanyn aıta ketken oryndy.

Jalpy óńirlerde shamamen 760 birlik arnaıy jabdyqtalǵan kóligi bar 119 ınvataksı qyzmeti jumys isteıdi.