«Erekshe tolqý boldy»: Aıbota Ertaıqyzy Azııa chempıonatynda qatelik jibermeı óner kórsetkenin aıtty
ASTANA. KAZINFORM – Qazaqstandyq gımnast Aıbota Ertaıqyzy Bishkekte (Qyrǵyzstan) ótip jatqan Azııa chempıonatynyń kúmis júldegeri atandy. Jarystan keıin sportshy fınalda qatelik jibermeı óner kórsetkenin aıtty.
Bul týraly Ulttyq olımpıadalyq komıtettiń baspasóz qyzmeti jazdy.
– Azııa chempıonatynyń jekeleı kópsaıystaǵy fınaly aıaqtaldy. Bul óte jaýapty syn edi. Erekshe tolqý boldy. Soǵan qaramastan ózimdi qolǵa alyp, sátti óner kórsete alǵanyma qýanyshtymyn. Nátıjesinde tórt jattyǵýdyń barlyǵyn da qatesiz oryndap shyqtym. Osy jarysqa daıyndyq barysynda qoldaý kórsetip, kómektesken jeke bapkerime jáne Álııa ıÝsýpovaǵa alǵysymdy bildiremin. Komandam men jattyqtyrýshylar quramynyń eńbegin sózben aıtyp jetkizý múmkin emes. Olardyń qoldaýy bolmasa, mundaı nátıjege jetý de múmkin bolmas edi, - dedi Ertaıqyzy.
Fınalda Aıbota Ertaıqyzy jalpy esepte 113,65 upaı jınady. Bul - onyń Bishkektegi ekinshi júldesi. Buǵan deıin ol komandalyq kópsaıysta kúmis medal alǵan bolatyn.
Erteń, 26 mamyrda gımnast jekeleı jattyǵýlardaǵy fınaldyq saıysqa qatysady.
Kórkem gımnastıkadan Qazaqstan quramasynyń ókilderi Bishkekte (Qyrǵyzstan) ótip jatqan Azııa chempıonatynda qola júldege ıe bolǵanyn jazǵan edik.
