Erekshe sýretke túspek bolǵan 2 elordalyq kópirdiń arkasyna shyqqan
Vedomstvonyń habarlaýynsha, búgin túnde 00:28-de polıtsııanyń «102» pýltine kýágerden belgisiz eki adam mas kúıinde Qabanbaı batyr dańǵylynyń Ramstor jaǵyndaǵy kópirdiń arkasyna shyǵyp jatqany týraly qońyraý túsken. Oqıǵa ornyna Nur-sultan qalasy PD Patrýldik polıtsııa polkiniń qyzmetkerleri dereý kelgen. Polıtseıler bul faktini rastady. Tártip saqshylary mas kúıindegi 33 jáne 34 jastaǵy eki er adamdy ustady.
Jigitterdiń ózderi túsindirgendeı, olar túngi Nur-Sultan qalasynyń kórinisimen bólisip, erekshe sýret túsirmek bolǵany úshin osyndaı áreketke barǵan.
Mundaı áreketteri úshin olar polıtsııaǵa jetkizilip, narkologııalyq dıspanserde tekserýden ótti. Ustalǵandardyń ekeýi de QR ÁQBtK-niń 440-baby 1-tarmaǵy boıynsha ákimshilik jaýapkershilikke tartylyp, 5 AEK mólsherinde aıyppul salyndy.
Sondaı-aq, tártip saqshylary ustalǵan azamattarmen qoǵamdyq tártipti saqtaý boıynsha profılaktıkalyq áńgime ótkizdi.
Qala turǵyndarynyń qyraǵylyǵynyń arqasynda jigitterdiń bul áreketi qaıǵyly jaǵdaımen aıaqtalǵan joq.