Erekshe shyrsha álem rekordyn jańartty
ASTANA. 24 qarasha. QazAqparat - Taılandtaǵy saýda ortalyǵynda qurylǵan shyrsha álemdik rekordty jańartty, dep habarlady 24.kz.
Jańa jyldyq aǵash sapqa turǵan 825 baladan qurylǵan. 6-15 jas aralyǵyndaǵy balalar shyrshanyń pishinin aınytpaı keltirý úshin sáıkes kıim de kıgen. Mysaly, qońyr kıim kıgen búldirshinder merekelik aǵashtyń dińgegi bolsa, jasyl túske oranǵan jastar shyrshanyń japyraǵyn beınelegen. Qyzyl kıim kıgender merekelik aǵashty oıynshyq bolyp bezendirdi. Osyǵan deıingi rekord 2011 jyly Germanııada ornatylǵan eken. Ol kezde jańa jyldyq aǵashtyń pishinin keltirýge 672 adam qatysqan.
