Erekshe kún: Almatyda neke qııýǵa 800 astam jup tirkeldi
ALMATY. KAZINFORM — 2026 jyldyń 26 maýsymy (26.06.2026) — dál osy datany neke qııýǵa tańdaǵan almatylyqtar kóp.
«Azamattarǵa arnalǵan úkimet» memlekettik korporatsııasynyń Almaty qalasy fılıalynyń málimetinshe, búgin qala boıynsha 830 jup otbasy qurýǵa ótinish bergen.
Jalpy jyl basynan beri megapolıste 7 myńǵa jýyq neke tirkelgen. Neke qııýǵa ótinish bildirýshilerdiń ortasha jasy áıelderde — 29 jas, al jigitterde — 32 jas. Nekege turýǵa ótinish bergen azamattardyń ishindegi eń úlkeni — 92 jastaǵy er adam. Al eń jas jup zańda belgilengen tártipke sáıkes ata-analarynan ruqsat alyp, 16 jasynda otbasyn qurǵan.
— Aıryqsha ári este qalarlyq kún jas jubaılar arasynda úlken qyzyǵýshylyq týdyryp otyr. Sımvolıkalyq sandar úılesimi bul kúndi otbasyn qurý úshin erekshe kúnderdiń birine aınaldyrdy. Almaty qalasynda neke tirkeý kórsetkishiniń joǵary bolýy megapolıstiń demografııalyq belsendiligin kórsetedi, — dep habarlady memlekettik korporatsııasynyń Almaty fılıaly.
Eske salaıyq, buǵan deıin Almatyda bıyl nárestelerge qoıylǵan eń tanymal esimder qandaı ekenin jazǵanbyz.
