Erekshe qubylys: egizder eki ákeden týǵan
ASTANA. QazAqparat - Vetnamda egiz ul eki bólek ákeden týǵan bolyp shyqty. Bul mysyqta jıi kezdesedi, alaıda adamda sırek bolatyn qubylys. Ol Vetnamda alǵash ret tirkelip otyr, dep jazady reseılik vesti.ru basylymy.
Viet Nam News habarlaýynsha, egizder budan eki jyl buryn dúnıege kelgen. Olardyń ata-analary sábılerdiń bir birine uqsamaıtynyn baıqaǵan. Óıtkeni, biriniń shashy buıra, ekinshisiniki túzý ári uzyn. Týystarynyń yqpalymen 34 jastaǵy balalardyń ákesi DNK testin tapsyrǵan. Saraptama uldardyń genderi ártúrli ekendigin kórsetken. ıAǵnı, sarapshylar bir uldyń ákesi kelinshektiń nekeli kúıeýi emestigin anyqtaǵan. Ol egizdiń tuńǵyshynan eki táýlikten keıin baryp boıǵa bitken bolyp shyqty.
Perzenthanada balany aýystyryp alý múmkin. Osy boljamdy joqqa shyǵarý úshin egizderdiń sheshesi de taldaý tapsyrdy. Test onyń eki uldyń týǵan anasy ekendigin kórsetti.
Qazir otbasy Hanoıdaǵy Genetıkalyq taldaý ortalyǵyna osy fenomendi zertteý baǵdarlamasyna kelisimin berdi. Tek balalardyń jáne ata-anasynyń aty-jóni, meken-jaıy qupııa ustalady degen shart qoıyldy.
Ázirge álemde ártúrli ákeniń uryǵynan jaralǵan 10 egizder juby bar.
Onyń biri Polshada, biri - Ispanııada, ekeýi AQSh-ta, taǵy ekeýi Úndistanda tirkelgen.
