Erekshe qorǵalatyn tabıǵı aımaqta ot jaqqandarǵa 306 myń teńge aıyppul salynady
«Erekshe qorǵalatyn tabıǵı aýmaqtarda jáne belgilenbegen jerde ot jaqqany úshin Orman sharýashylyǵy mekemeleriniń qyzmetkerleri «Ákimshilik quqyq buzýshylyq týraly» Kodekstiń 367-baby boıynsha ákimshilik aıyppul salýǵa ýákiletti ekenin atap ótkim keledi, Jeke tulǵalarǵa salynatyn aıyppul somasy - 10-nan 100 AEK-ke deıin, al bul 30 630 teńgeden 306 300 teńgege deıin»,- dedi Rýslan Qasymbaev.
Spıkerdiń sózinshe, Tótenshe jaǵdaılar departamenti, polıtsııa basqarmasy men Іle Alataý parkiniń qyzmetkerleri 95 reıd júrgizgen. Nátıjıesinde 45 órttiń aldyn alyp, 45 tártip buzýshyny ákimshilik jaýapqa tartty.
Almaty qalasy Tótenshe jaǵdaılar departamentiniń basshysy qala turǵyndary men qonaqtaryna taýly orman alqabyndaǵy órt qaýipsizdigi erejelerin eske saldy.
«Birinshi kezekte órt shyǵýy múmkin qoqystardy shyǵarý qajet. Sondaı-aq qatań belgilengen oryndardan tys janyp turǵan sirińke, temeki qaldyǵyn laqtyrýǵa, qurǵaq shópterdi jaǵýǵa, ot jaǵýǵa jáne barbekıý quraldaryn paıdalanýǵa tyıym salynady»,- dedi ol.
Demalýshylarǵa aqparat, Іle-Alataý ulttyq saıabaǵynda ystyq tamaq pisirýge arnalǵan arnaıy jabdyqtalǵan 14 oryn (oryndyq, ústel, ot jaǵýǵa arnalǵan betondalǵan alań, barbekıý), Almaarasan shatqalynyń aýmaǵynda – 12 oryn bar. Úlken Almaty, Kazachka ózenderinde jáne Býtakovkada 2 oryn belgilengen.