Erekshe qorǵalatyn tabıǵı aýmaqtardyń kólemi keńeıedi
NUR-SULTAN. QazAqparat – Qazaqstandaǵy tabıǵat qorǵaý mekemeleriniń aýmaǵyn ulǵaıtý josparlanyp otyr. Bul týraly Premer-Mınıstrdiń orynbasary Roman Sklıar depýtattyq saýalǵa bergen jaýabynda málimdedi, dep habarlaıdy QazAqparat tilshisi.
«Memleket basshysynyń 26 qańtardaǵy Úkimettiń keńeıtilgen otyrysynda bergen tapsyrmasyn oryndaý aıasynda Úkimet «Jasyl Qazaqstan» ulttyq jobasyn ázirlep jatyr. Jobada erekshe qorǵalatyn tabıǵı aýmaqtardyń jalpy aýdanyn tutas el aýmaǵynyń 10,2%-yna deıin, onyń ishinde tabıǵat qorǵaý mekemeleriniń alańyn el aýmaǵynyń 3,3%-yna deıin ulǵaıtý josparlanyp otyr», - dep jazdy Roman Sklıar depýtattyq saýalǵa bergen jaýabynda.
Buǵan deıin R.Sklıar «Bókeıorda» tabıǵı rezervatynyń qurylysy jalǵasatynyn aıtqan bolatyn.
