Erekshe qorǵalatyn aýmaqtarǵa mal jaıyp, shóp shapqandarǵa salynatyn aıyppul kólemi ulǵaıdy

ASTANA. QazAqparat – Ereshe qorǵalatyn aýmaqtarda zańsyz shóp shapqan, mal jaıǵan jáne qoqys tastaǵandarǵa salynatyn aıyppul mólsherleri ulǵaıtyldy. BAQ ókilderiniń qatysýymen ótken brıfıngide Ekologııa mınıstrliginiń Orman sharýashylyǵy jáne janýarlar dúnıesi komıteti tóraǵasynyń orynbasary Danııar Turǵambaev osylaı málim etti, dep habarlaıdy QazAqparat tilshisi.

«Erekshe qoǵalatyn tabıǵı aýmaqtarda ekologııalyq jaýapkershilikti arttyrý maqsatynda QR Qylmystyq jáne Ákimshilik quqyq buzýshylyq týraly kodeksterine ózgerister men tolyqtyrýlar engizildi. Atap aıtqanda, endi zańsyz shóp shabý men mal jaıý, ormandy qaldyqtarmen lastaý, erekshe qorǵalatyn tabıǵı aýmaqtarda bolý tártibin buzý boıynsha aıyppul mólsherleri ulǵaıtyldy. Sondaı-aq, Salyq kodeksine erekshe qorǵalatyn tabıǵı aýmaqtarǵa kirýi úshin aqyny avtokólikterden alý múmkindigin kózdeıtin tıisti ózgerister eńgizildi», - dedi Danııar Turǵambaev.

Spıker sózinshe, Qazaqstan BUU-nyń Damý Baǵdarlamasymen birlesip, týrısttik qyzmetter salasyndaǵy ulttyq standarttarǵa birqatar ózgeris engizilip jatyr. Ol tabıǵatqa qarsy adam qolymen jasalatyn áreketterdi azaıtýǵa yqpal etpek.

Sonymen birge, Danııar Turǵambaev 2022 jyly ulttyq parkterdiń aýmaǵynda ereje buzǵan adamdarǵa 640 mln teńge aıyppul salynǵanyn aıtty.