Erekshe qorǵalatyn tabıǵı aýmaqtardy paıdalanǵany úshin tólem Ulttyq parkterdiń esebinde qalady
ASTANA. KAZINFORM - 2024 jyly 8 shildede Memleket basshysy «QR keıbir zańnamalyq aktilerine erekshe qorǵalatyn tabıǵı aýmaqtar jáne elektr energetıkasy máseleleri boıynsha ózgerister men tolyqtyrýlar engizý týraly» Zańǵa qol qoıdy.
Zańnamada qandaı basty ózgerister qamtyldy?
Salyq kodeksinen Erekshe qorǵalatyn tabıǵı aýmaqtardy (EQTA) paıdalanǵany úshin alynatyn tólem respýblıkalyq bıýdjetke túsetini týraly normalar alynyp tastaldy.
Sáıkesinshe, QR Bıýdjet kodeksiniń respýblıkalyq jáne jergilikti mańyzy bar Erekshe qorǵalatyn tabıǵı aýmaqtardy paıdalanǵany úshin bıýdjet túsimderi qarastyrylǵan normalary ózgerdi.
Tabıǵat qorǵaý mekemeleri kórsetetin qyzmetter úshin tarıfterdiń mólsherin bekitý quzireti EQTA-ny baqylaıtyn memlekettik organdarǵa berilip otyr.
ıAǵnı, Erekshe qorǵalatyn tabıǵı aýmaqtardy paıdalanǵany úshin kórsetiletin qyzmetterdiń tólemi burynǵysynsha alynady, biraq ol birden Ulttyq parkterdiń arnaıy shotynda qalyp, olardyń qajettilikterine jumsalady (qyzmetkerlerdiń jalaqysyna, tabıǵatty qorǵaý is-sharalaryna sondaı-aq: baqylaý-ótkizý beketterin avtomattandyrý, týrıstik marshýrttardy jáne soqpaqtardy jaqsartý, qaýipsizdik júıesin jetildirý t.b. syndy erekshe qorǵalatyn aýmaqty damytýǵa).
EQTA qyzmetteri úshin tólem alý jónindegi norma «Erekshe qorǵalatyn tabıǵı aýmaqtar týraly» QR Zańynyń 38-baby arqyly, sondaı-aq Ekologııa, Geologııa jáne tabıǵı resýrstar mınıstrligi Orman sharýashylyǵy jáne janýarlar dúnıesi komıteti tóraǵasynyń 2020 jylǵy 30 jeltoqsandaǵy №27-5-6/253 buıyǵymen («Óziniń qaraýyndaǵy zańdy tulǵa mártebesi bar respýblıkalyq mańyzy bar erekshe qorǵalatyn tabıǵı aýmaqtar kórsetetin qyzmetter úshin tarıfterdiń mólsherin bekitý týraly») bekitilgen.
Tarıf mólsherimen QR Ekologııa jáne tabıǵı resýrstar mınıstrligi Orman sharýashylyǵy jáne janýarlar dúnıesi komıtetiniń saıtynda tanysýǵa bolady.
