Erekshe kollaboratsııa: Dımash Nurjas Sadyrbaevpen jańa joba bastalǵanyn málimdedi
ASTANA. KAZINFORM — Ánshi Dımash Qudaıbergen Instagram áleýmettik jelisine Nurjas Sadyrbaevty @sadirbaeeev prodıýser esebinde qaramaǵyna alǵanyn jazdy.
— Dostar, bir jańalyqpen bóliskim kelip otyr: Hunan TV arnasyndaǵy «Voice Beyond Horizon» jobasynyń alǵashqy jeńimpazy — Nurjas Sadyrbaevty @sadirbaeeev prodıýseri esebinde qaramaǵyma aldym. Men 15 jylǵa jýyq mansabymdy halyqaralyq baıqaýlardan bastap álem boıynsha jeke kontsertterge deıin ártis retinde uzaq joldan óttim. Endi sol tájirıbemmen bólisip,elimizdiń atynan Azııadan Amerıka qurlyǵyna deıingi álemdik arenalarda óner kórsetetin ártis daıyndaıtyn kez keldi. Osy joldaǵy basty kúshimiz — bizdiń qoldaýymyz ben birligimiz, — dep jazdy ol.
Ol sondaı-aq stýdııadaǵy birlesken jumysynyń kórinisin alǵash ret usynǵaly otyrǵanyn habarlady. Án resmı túrde aldaǵy aptada jaryq kóredi.
— Astana ýaqyty boıynsha saǵat 17:00-de meniń YouTube arnamda kezdesemiz, — dep jazdy ánshi.
Buǵan deıin Dımash Qudaıbergenniń áni Polsha chartynda bir jyl boıy kósh bastap turǵanyn jazǵan edik.
