Erekshe qajettilikteri bar adamdarǵa qoldaý kórsetý – árqashan Nur Otan basymdyqtarynyń biri – B.Baıbek
Atalǵan syılyq jyl saıyn qoǵamdyq jumystarǵa belsene aralasqan múmkindigi shekteýli jandarǵa jáne erekshe qajettilikteri bar adamdardyń ómir súrý sapasyn jaqsartýǵa úles qosqan azamattarǵa beriledi.
«Nur Otan» Tóraǵasynyń Birinshi orynbasary Baýyrjan Baıbek atap ótkendeı, erekshe qajettilikteri bar adamdarǵa qoldaý kórsetý – árqashan bıleýshi partııa jumysyndaǵy basymdyqtardyń biri. Búginde elimizde erekshe qajettilikteri bar 700 myńnan astam azamat turady, onyń 14%-y – 18 jasqa deıingi balalar.
«Elbasy, partııa Lıderi Nursultan Nazarbaevtyń tapsyrmasy boıynsha osy baǵyttaǵy jumysty júıeleý maqsatynda biz 2014 jyly «Kedergisiz keleshek» partııalyq jobasyn iske qostyq. Jobanyń arqasynda erekshe qajettilikteri bar 40 myńǵa jýyq azamat jumysqa ornalastyryldy, 24 myńnan astam áleýmettik nysanynda erekshe qajettiligi bar adamdar úshin beıimdeý jumystary júrgizilip, zańnamaǵa ózgerister engizildi, «Bolashaq» qorynyń qoldaýymen 43 ınklıýzıvti bilim berý kabıneti ashyldy. Nursultan Nazarbaev Qory qomaqty jumys atqarýda. Memleket basshysy Qasym-Jomart Toqaev partııanyń saılaýaldy baǵdarlamasy aıasynda taǵy 22 myń áleýmettik ınfraqurylym nysanyn beıimdeý, erekshe qajettilikteri bar adamdardy jumysqa ornalastyrý baǵytyndaǵy isterdi jalǵastyratyn bolady», - dedi Baýyrjan Baıbek.
Partııa baspasóz qyzmetiniń aqparatyna sáıkes, «Nur Otan» «Barlyq balaǵa – birdeı múmkindik» qaǵıdasyn júzege asyra otyryp, elimizdegi barlyq kolledjder men joǵary oqý oryndarynda, sondaı-aq mektepter men mektepke deıingi uıymdardyń 70%-ynda ınklıýzıvti bilim berýdi engizýdi qamtamasyz etpek. Ońaltý ortalyqtarynyń sany ulǵaıtylyp, erekshe qajettilikteri bar balalardy psıhologııalyq-pedagogıkalyq jáne korrektsııalyq qoldaý boıynsha memlekettik tapsyrys engiziledi. Asyraýshysynan aıyrylǵan balalar bir mezgilde múgedektigine jáne asyraýshysynan aırylýyna baılanysty 2 járdemaqy alatyn bolady.
Sondaı-aq, partııa zaǵıp jáne nashar kóretin azamattarǵa arnalǵan kitaphanalardy, onyń ishinde memlekettik tildegi kitaptar qoryn keńeıtýge, ymdaý tiline onlaın aýdarý úshin arnaıy baǵdarlamalardyń qoljetimdiligin qamtamasyz etýge nıetti. Turaqty kútimdi qajet etetin jáne jeke kómekshiniń qyzmetin paıdalanbaıtyn múgedektiktiń birinshi toby bar barlyq azamattarǵa qosymsha áleýmettik járdemaqy beriledi. Bul rette 2025 jylǵa qaraı múgedektigi bar adamdar 100% qajetti tehnıkalyq quraldarmen jáne ońaltý qyzmetterimen qamtamasyz etiledi.
«Búgin sizderdiń eńbekterińiz týraly zor maqtanyshpen aıta otyryp, ózderińizge qurmet kórsetemiz. Sizder qoǵamdaǵy árqaısymyz úshin úlgi bolýǵa laıyqsyzdar. Bizdiń ortaq mindetimiz – erekshe qajettilikteri bar adamdar úshin júıeli jaǵdaı jasaý. Ózderińiz biletindeı, Memleket basshysy óz Joldaýynda partııanyń saılaýaldy tizimderinde erekshe qajettilikteri bar adamdar úshin arnaıy kvota engizýdi tapsyrǵan bolatyn. ıAǵnı, máseleni egjeı-tegjeıli biletin, onymen kún saıyn ushyrasyp, óz basynan ótkerip otyrǵan adamdar osy baǵyttaǵy tıisti zańdardy qabyldaıdy jáne atqarýshy organdardan osy máselelerdi sheshýdi talap etedi», - dep atap ótti Baýyrjan Baıbek.
Óz kezeginde Qazaqstan múgedekter konfederatsııasynyń prezıdenti Janat Omarbekova «Jan shýaqty» tapsyrý rásimi 2008 jyldan beri ótkizilip kele jatqanyn jáne osy jyldar ishinde syılyqqa 70-ten astam adam ıe bolǵanyn atap ótti. Bıyl 17 óńirden 58 adam usynylyp, olardyń ishinen ashyq daýys berý nátıjesinde uıymdastyrý komıssııanyń sheshimimen 7 úzdik nomınant anyqtaldy.
«Búginde erekshe qajettilikteri bar 13 myńnan astam adam – «Nur Otan» partııasynyń múshesi. Bıleýshi partııamen birlesken júıeli jumystyń arqasynda Qazaqstan múgedekter konfederatsııasy Parlament Májilisinde ókildik etedi. Árbirińizge alǵys aıtqym keledi, sebebi marapatqa ıe bolmaǵandar da qoǵamnyń nazaryn erekshe qajettilikteri bar adamdardyń máselesine aýdarýǵa, áleýmettik kedergilerdi joıý isine óz úlesin qosty. Bizdiń ortaq maqsatymyz – múgedektigi bar adamdardy áleýmettendirýge yqpal etý, tulǵa retinde damý úshin jańa múmkindikter ashý, olardyń alǵa umtylýyna qoldaý kórsetý jáne qoǵamǵa paıdaly bolý», - dedi Janat Omarbekova.
Sonymen, «Myqty erik-jigeri jáne jeńiske degen umtylysy úshin» nomınatsııasy boıynsha alpınıst, halyqaralyq dárejedegi sport sheberi Marııa Áýezova marapattaldy. Bıyl ol Everest bazalyq lagerinde 5364 m jáne Kala Pathar taýynda 5640 m bıiktikti baǵyndyrdy.
«Erekshe qajettilikteri bar adamdarǵa qatysty qoǵamdyq sananyń oń ózgeristerine qosqan úlesi úshin» syılyǵynyń ıegeri qoǵam qaıratkeri Nııaz Súndetálıev boldy.
«Erekshe qajettilikteri bar adamdardyń problemalary men ómirin aqparattyq qamtýǵa qosqan úlesi úshin» nomınatsııasy boıynsha syılyqty tanymal bloger Almas Erjan aldy.
«Eriktiler qozǵalysyn damytýdaǵy jetistikteri úshin» músinsheniń ıegeri qoǵam qaıratkeri Gúlnaz Qosmýrzıeva boldy. Ol pandemııa kezinde qarajat jınaýdy uıymdastyryp, 2 myńnan astam muqtaj janǵa kómek kórsetti.
«Kásipkerlik belsendilikti damytýǵa qosqan úlesi úshin» nomınatsııasy boıynsha syılyqty erekshe qajettiligi bar balanyń anasy Gúlmıra Parmysheva ıelendi. Ol erekshe balalarǵa arnalǵan damytý oıynshyqtaryn shyǵaratyn «Kishkentai» jobasyn iske qosqan.
«Óner jáne mádenıet salasyndaǵy úzdik jetistikteri úshin» syılyǵynyń ıegerleri bolyp «Biz sizderdi jaqsy kóremiz!» halyqtyq kloýndar teatry tanyldy. Teatr trýppasy estý qabileti buzylǵan ártisterden turady.
«Sport salasyndaǵy úzdik jetistikteri úshin» atalymynda paýerlıftıng boıynsha sportshy, 2016 jylǵy Rıo-de-Janeıroda ótken jazǵy Paralımpıada oıyndarynyń kúmis júldegeri Raýshan Qoıshybaeva marapattaldy.
