Erekshe qajettiligi bar balalarǵa kúsh kórsetkender qatań jazalanady – Bas prokýror

NUR-SULTAN. QazAqparat - Erekshe qajettiligi bar balalarǵa zorlyq kórsetkenderge eń qatań jaza qoldanylady. Bul týraly QR Bas prokýrory Berik Asylov óziniń Twitter-degi paraqshasynda jazdy, dep habarlaıdy QazAqparat.

«Erekshe qajettiligi bar balalarǵa zorlyq-zombylyq kórsetý aıýandyq áreket. Aqtóbedegi Áleýmettik qyzmet kórsetý ortalyǵy qyzmetkerleriniń balalarǵa kúsh kórsetý áreketine baılanysty eń qatań shara qoldanylady. Qylmystyq Kodekstiń 110 baby, 2 tarmaǵy boıynsha tergeý bastaldy. Tergeý barysy baqylaýǵa alyndy. Osy tektes mekemelerdiń barlyǵyn tekserýdi tapsyrdym«, dep jazdy Bas prokýror.

Osyǵan deıin Aqtóbede ortalyq qyzmetkerleri múgedek balalardy uryp-soqty dep aıyptalyp jatqany týraly habarlanǵan.