Erekshe balalardy qoldaý týraly zań jobasy ázirlenip jatyr
ASTANA. KAZINFORM – Elimizde ınklıýzıvti bilim berý jáne psıhologııalyq-pedagogıkalyq qoldaý 90 paıyzǵa artty. Bul týraly Oqý-aǵartý mınıstrligi habarlaıdy.
– Erekshe bilim berý qajettiligi bar balalarǵa arnalǵan kabınetterdiń sany 2 ese kóbeıdi, al arnaıy bilim berý uıymdarynyń jelisi 230-ǵa jetti. Qazir arnaıy bilim berý uıymdarynyń jalpy sany – 508, mektepter janynan 121 qoldaý kabıneti ashyldy. «Erekshe bilim berý qajettiligi bar balalardy keshendi qoldaý týraly» zań jobasy ázirlenip jatyr. 2025 jyldyń qazan aıynda Qazaqstanda alǵash ret ınklıýzıvti bilim boıynsha dúnıejúzilik kongress ótedi, - delingen habarlamada.
Byltyr elimizde erekshe bilim berý qajettiligi bar balalarǵa psıhologııalyq-pedagogıkalyq qoldaýdyń biryńǵaı standarty daıyndaldy.
– Atalǵan standart bilim berýdiń barlyq deńgeıinde erekshe bilim berýdi qajet etetin balalardy súıemeldeýdiń júıeli tásilin bekitedi. Sonymen qatar, «Erekshe bilim berý qajettiligi bar balalardy keshendi qoldaý týraly» zań jobasy otbasy men balaǵa kómek kórsetý úshin vedomstvoaralyq ózara is-qımyl tetikterin qarastyrady. Al tirek-qımyl júıesi buzylǵan balalardy fızıkalyq turǵyda súıemeldeý úshin jeke kómekshi laýazymy engizildi. Sondaı-aq psıhologııalyq-medıtsınalyq-pedagogıkalyq konsýltatsııa, túzetý kabıneti, ońaltý ortalyqtary jáne aýtızm spektriniń buzylystary bar balalardy qoldaý ortalyqtaryna arnalǵan jeke úlgilik shtat bekitildi, - deıdi vedomstvodan.
Sondaı-aq aýtızmi bar balalarda nazardan tys qalmaǵan.
– Aýtızmi bar balalardy qoldaý ortalyqtary ońaltý jáne áleýmettik beıimdeý boıynsha memlekettik qyzmet kórsetetin uıymdar tizbesine engizildi. Sonymen birge mektepke deıingi bilim berýdiń úlgilik oqý josparyna mundaı balalarǵa arnalǵan túzetý komponenti qosyldy. Múgedektigi bar azamattarǵa tehnıkalyq jáne kásiptik bilim berý uıymdaryna qabyldaý kvotasy 1%-dan 10%-ǵa deıin artty, - dep habarlaıdy mınıstrlik.
Aıta keteıik, ótken jyly elimizde ınklıýzııa salasynda sarapshylar daıyndaıtyn ortalyq ashyldy.
Eske sala ketsek, elimizde bıyl kúzde alǵash ret ınklıýzııa boıynsha alǵashqy búkilálemdik kongress ótedi.