Erdoǵannyń uly «Islam memleketimen munaı saýdasyn júrgizdi» degen aıyptaýlarǵa jaýap berdi
ASTANA. QazAqparat - Túrkııa prezıdenti Redjep Taıyp Erdoǵannyń uly - Bilál Erdoǵan «Islam memleketi» lańkestik uıymy baqylaıtyn aýmaqta óndiriletin munaı saýdasyna esh qatysy joq ekenin málim etti.
«Biz Ystambulda keńselerdi salyp jatyrmyz... Jerorta teńizinde, Sırııa nemese Irakta bıznes júrgizip jatqan joqpyz», - dedi ol Corriere della Sera ıtalııalyq gazetine bergen suhbatynda.
«IM - bul meniń elimniń jaýy. IM - meniń senimimdi (dinimdi) qaralap jatyr. Olar ıslam ókili emes jáne men olardy musylmandar dep sanamaımyn», - dedi Bilál Erdoǵan. Ol teńizde júk tasymaldamaıtynyn, onyń kompanııasynda reseılik klıentke «ózen tankerleriniń» qurylysy boıynsha kelisimshart bar ekenin atap ótti, dep jazdy RBK .
Bilál Erdoǵan ózi keme operatory emes ekendigin aıtty. Sondaı-aq ol baýyry Býrak IM jetkizgen munaıdy tasymaldaýmen aınalysýy múmkin degen boljamdy joqqa shyǵardy.
