Erdoǵannyń málimdemesinen keıin túrkııalyqtar 1 mlrd-tan astam dollardy lıraǵa aıyrbastady

ANKARA. QazAqparat – Túrkııa prezıdenti Rejep Taıyp Erdoǵannyń málimdemesinen keıin el turǵyndary bir mıllıardtan astam dollardy lıraǵa aıyrbastady, dep habarlaıdy QazAqparat tilshisi Túrkııa bankter qaýymdastyǵynyń tóraǵasy Alpaslan Chakarǵa silteme jasap.

Dúısenbi kúni tańerteń 1 AQSh dollary 18,5 lıraǵa satyldy. Mınıstrler kabınetiniń otyrysy aıaqtalǵannan keıin sol kúni lıra bir dollar úshin 13,5-ke deıin ózgerdi. Bul ulttyq valıýtanyń 30%-dan astam qunyn qalpyna keltirýge yqpal etti. Qazirgi ýaqytta amerıkalyq dollar 12,55 lıraǵa satylýda. Mundaı qubylys buryn álemniń birde-bir ekonomıkasynda baıqalmaǵan.

Bul másele boıynsha qoǵamdyq pikirde qaıshylyqtar bar. Keıbiri túrik lırasy birtindep burynǵy pozıtsııasyn qalpyna keltirip, turaqtanady dep sanaıdy. Alaıda halyqtyń ekinshi bir bóligi munymen kelispeıdi jáne tez ósetin valıýtanyń ózindik dınamıkasy bar dep esepteıdi.

Túrkııa prezıdenti Rejep Erdoǵan dúısenbi kúni keshke sóz sóıledi. Seısenbi kúni el azamattary bir mıllıardtan astam dollardy lıraǵa aıyrbastady.