Erdoǵanǵa qastandyq jasaý múmkindigine baılnanysty is boıynsha sońǵy kúdikti Túrkııada ustaldy
ASTANA. KAZINFORM – Túrkııanyń arnaıy qyzmetteri 2016 jylǵy memlekettik tóńkeris áreketi kezinde prezıdent Rejep Taııp Erdoǵanǵa qastandyq jasaýǵa daıyndaldy degen is boıynsha izdeýde júrgen sońǵy kúdiktini ustady, dep habarlaıdy BelTA.
Túrkııa Іshki ister mınıstrliginiń H áleýmettik jelisindegi málimetke sáıkes, ustalǵan Býrkaı Karatepe FETO uıymynyń Marmarıs qalasynda prezıdentke qastandyq jasaýǵa daıyndalǵan tobynyń múshesi bolǵan. Ol on jyl boıy izdeýde bolyp, Afonkarahısar qalasynda qolǵa tústi.
TRT Haber telearnasynyń habarlaýynsha, buǵan deıin Erdoǵanǵa qastandyq jasaýǵa daıyndaldy degen kúdikpen burynǵy 36 áskerı qyzmetker ustalǵan. Sońǵy ustalǵan kúdikti tikushaq ushqyshy bolǵan.
Buǵan deıin Turkiye gazeti Túrkııa bıliginiń nusqasyna súıene otyryp, FETO uıymy (Túrkııada terrorıstik uıym dep tanylyp, qyzmetine tyıym salynǵan) Erdoǵanǵa sheteldik áýe kompanııasynyń ushaǵymen ushý kezinde de qastandyq jasaýdy josparlaǵanyn jazǵan. Alaıda prezıdent Marmarıstegi qonaqúıden aldyn ala ketip qalǵandyqtan, bul jospar júzege aspaǵan.
Eske salaıyq, 2016 jylǵy 15 shildede Túrkııada memlekettik tóńkeris jasaý áreketi kezinde resmı derek boıynsha 253 adam qaza taýyp, 2,2 myńnan astamy jaralanǵan. Tóńkeris áreketi basylǵannan keıin memlekettik qurylymdarda aýqymdy kadrlyq tazartý júrgizilip, 100 myńnan astam adam qyzmetinen bosatyldy. Kóteriliske qatysqandardyń kópshiligi ómir boıyna bas bostandyǵynan aıyryldy.
Osyǵan deıin Qyrǵyzstanda memlekettik tóńkeris jasamaq bolǵan bir top adam qolǵa túskeni týraly jazdyq.
