Erdoǵandy áleýmettik jelide synaǵan Kanada azamatshasy qamaýǵa alyndy
ASTANA. QazAqparat - Rejep Taııp Erdoǵandy Facebook áleýmettik jelisinde synaǵan Kanada azamatshasy Túrkııada qamaýǵa alyndy, dep jazady The Canadian Press.
50 jastaǵy Isı Hıperdiń eki azamattyǵy bar - kanadalyq jáne túrkııalyq, ol 2016 jyldyń 30 jeltoqsan kúni Túrkııanyń soltústik-shyǵysyndaǵy Kars qalasynda ustaldy. Onyń qorǵaýshysy Bırgıttı Pavıchtiń sózine qaraǵanda, áıeldi 28 jeltoqsan kúni Facebook jelisinde qaldyrǵan jazbasynan soń qamaýǵa alǵan. Hıper óz jazbasynda Erdoǵandy «Túrkııanyń «Islam memleketi» lańkestik uıymyn qoldaıtynyn dáleldegen jýrnalısterdi túrmege qamap jatyr» dep kinálaǵan.
Belgili bolǵandaı, Hıper Túrkııaǵa 2016 jyldyń qarasha aıynda kelgen. Al Kanada SІM «kanadalyq azamatshanyń qamaýǵa alynǵany týraly habardar ekenin, qajetti konsýldyq kómek kórsetilip jatqandyǵyn» aıtty.
