Erdoǵan Ystanbuldaǵy «Temir shirkeýdi» ashty

ASTANA. QazAqparat - Túrkııa bıligi diniı senimdi qorǵaıdy, dep málim etti prezıdent Rejep Taıyp Erdoǵan Ystanbuldaǵy qalpyna keltirilgen Qasıetti Stefan shirkeýiniń ashylý saltanatynda. Ony kópshilik «Temir shirkeý» dep te ataıdy. Bul týraly QazAqparat «Anadoly» agenttigine silteme jasap habarlaıdy.

Túrkııa prezıdentiniń aıtýynsha, elde «Temir shirkeý» men Muradı meshitindegi dinı qulshylyqtyń aıyrmashylyǵy joq.

Erdoǵan Sońǵy kezderi Túrkııada restavratsııadan ótkizilip 14 dinı nysan ashylǵanyn atap ótti. Onyń qatarynda Edırnedegi sınagoga, Gekcheadadaǵy Qasıetti Nıkolaı shirkeýi, Iskenderýndegi katolık shirkeýi, Dııarbaqyrdaǵy armıandardyń protestanttyq shirkeýi, Gazıanteptegi Nızıpa Fevkanı shirkeýi bar.Ystanbuldyń Balat aýdanyndaǵy hrıstıan shirkeýin restavratsııalaý jeti jylǵa sozylǵan.
Shirkeýdiń ashylýyna Bolgarııa premer-mınıstri Boıko Borısov qatysty, ola Túrkııa úkimetine tarıhı nysandy qalpyna keltirýge qosqan úlesi úshin alǵys aıtty.