Erdoǵan «Tvıtterdi» jazalamaq
ASTANA. QazAqparat - Túrkııa Premer-Mınıstri Redjep Taıyp Erdoǵan «Tvıtter» shaǵyn blogynyń basshylyǵy salyq tóleýden jaltardy dep aıyptap, kompanııany jaýapkershlikke tartýdy ýáde etti.
Bundaı málimdemeni úkimet basshysy Ystambulda zaýyttyń ashylýy barysynda sóılegen sózinde aıtty. Áleýmettik jelilerge qoıylǵan shekteý alyp tastalǵanyna baılanysty Erdoǵan Túrkııanyń Konstıtýtsııalyq sotyn halyqaralyq kompanııalardyń kommertsııalyq múddesin qorǵap otyr dep aıyptady. Budan buryn habarlanǵandaı, Túrkııa premer-mınıstri Redjep Taııp Erdogan 20 naýryz kúni Ádilettik jáne damý partııasynyń saılaýaldy mıtıngisinde Túrkııada barlyq áleýmettik jeliler, onyń ishinde Twitter jabylatynyn málimdegen bolatyn. Al buǵan halyqaralyq qaýymdastyqtyń qalaı qaraıtyny úkimetti tolǵandyrmaıdy dep atap ótken-di. Sol kúni túnde BTK túrik telekommýnıkatsııalyq retteýshisi Twitter-di múldem jaýyp tastaǵan edi. Alaıda, araǵa bir apta salyp, Túrkııada Ankara ákimshilik sotynyń qaýlysymen Twitter shaǵyn blogynyń ınternet-servısine qoıylǵan shekteý alyndy.
