Erdoǵan Túrkııada kezekten tys saılaý ótetinin málimdedi
ASTANA. QazAqparat - Túrkııa prezıdenti Redjep Taıyp Erdoǵan elde kezekten tys saılaý ótetinin málim etti. Bul týraly QazAqparat Anadoly agenttigine silteme jasap habarlaıdy
Saılaý 24 maýsymǵa josparlanyp otyr.
«2018 jyldyń 24 maýsymynda Túrkııada kezekten tys prezıdenttik jáne parlamenttik saılaýlar ótedi. Túrkııanyń Ulttyq qozǵalysy partııasynyń basshysy Devlet Bahchelımen bolǵan kelissózder barysynda kezekten tys prezıdenttik jáne parlamenttik saılaýlar ótkizý máselesin talqyladyq»,-dedi Túrkııa basshysy.
Onyń sózinshe, búnginnen bastap, Túrkııada saılaýǵa zańdyq turǵyda daıyndyq protsesi bastalady.
«Túrkııanyń Joǵary saılaý komıssııasy shuǵyl túrde daıyndyq jumystaryna kirisedi»,-dedi Erdoǵan.
