Erdoǵan: Túrkııa Eýroodaqqa qajet memleket
ASTANA. QazAqparat - Túrkııa Eýroodaqqa kerek, sebebi Túrkııa qarqyndy damyp kele jatqan memleket. Bul týraly Lıonǵa sapary barysynda túrik qaýymynyń aldanda sóılegen sózinde Túrkııa Premer-Mınıstri Redjep Taıyp Erdoǵan málim etti.
Erdoǵan men onyń zaıybyna Frantsııada turyp, jumys istep jatqan myńdaǵan Túrkııa azamattary qoshemet kórsetti.
«Eýroodaqtyń qýatty ekonomıkasyna Túrkııa qajet. Sebebi, Túrkııa qarqyndy damýshy memleket jáne Túrkııa máńgilik kúte alatyn memleket emes», - dep toqtalǵan Premer-Mınıstr, osy oraıda Ankaranyń EO-nyń tolyq múshesi bolýy nıeti jaıynda eske salyp ótti.
Baıqaýshylardyń atap ótýinshe, prezıdent retinde Nıkolıa Sarkozıdi Fransýa Olland aýystyrǵannan keıin Túrkııa men Frantsııa arasyndaǵy qatynastar jaqsara bastady.
Erdoǵan Lıonda turyp jatqan otandastaryna tamyzdaǵy prezıdenttik saılaýǵa oraı aıdyń aıaǵynda óziniń partııasy atynan kandıdatýrany jarııalaıtynyn atap ótti. Sonymen qatar ol Frantsııadaǵy barlyq túrikterdi saılaýǵa qatysýǵa shaqyrdy.
