Erdoǵan: túrik otbasylary kem degende úsh balaly bolýy tıis
ASTANA. KAZINFORM — Túrkııa prezıdenti Rejep Taııp Erdoǵan azamattardy týý kórsetkishin arttyrýǵa shaqyryp, árbir otbasynda kem degende úsh bala bolýy kerek ekenin málimdedi, dep habarlaıdy RIA Novostı.
Ol bul málimdemeni respýblıkadaǵy demografııalyq kórsetkishterdiń kúrt tómendeýine túsinik bere otyryp jasady.
Túrkııa statıstıka ınstıtýtynyń (TÜİK) 2025 jyldyń mamyr aıynda jarııalanǵan málimetterine sáıkes, elde týý kórsetkishi 2024 jyly bir áıelge 1,48 baladan keletin tarıhı eń tómengi deńgeıge deıin tómendedi. Sarapshylardyń atap ótýinshe, damyǵan elderde halyqtyń tabıǵı udaıy ósýi úshin bul kórsetkish kem degende 2,1 bolýy kerek.
Erdoǵannyń ózi tórt bala tárbıelep ósirdi jáne toǵyz nemereniń atasy.
Ystanbuldaǵy kórmeniń ashylýynda sóz sóılegen ol kóp balaly otbasylar — kúshti qoǵamnyń negizi ekenin atap ótti. Onyń aıtýynsha, halyq sanynyń ósýi — tek áleýmettik qajettilik qana emes, sonymen qatar rýhanı paryz. Erdoǵan sonymen qatar tipti jaqyn adamdar arasynda otbasyndaǵy balalar sanyn kóbeıtýge kúmánmen qaraýdyń jıilep bara jatqanyna ókinish bildirdi.
Prezıdent 2025 jyl Túrkııada Otbasy jyly dep jarııalanǵanyn eske saldy, alaıda kútiletin nátıjelerge áli qol jetkizilmegenin moıyndady. Sondaı-aq ol óz otbasynda demografııamen «eshqandaı másele joq» ekenin atap ótti.
Túrkııadaǵy týý kórsetkishi alpys jyldan astam ýaqyt boıy tómendep keledi. Statıstıkaǵa sáıkes, túrik áıelderiniń alǵashqy bosanýdaǵy ortasha jasy 2001 jyly 27 jastan 2024 jyly 29 jastan asqan.
Osy úrdisterge jaýap retinde bılik birqatar yntalandyrý sharalaryn iske qosty, sonyń ishinde bala týǵan kezde jańa úılengenderge paıyzsyz nesıeler berý jáne turǵyn úı naryǵyndaǵy jeńildikter bar.
Otbasy jáne áleýmettik qyzmetter isteri mınıstri Mahınýr Ozdemır Gektash buǵan deıin eldiń halyq sanynyń ósýi baıaýlaýynyń «alańdatarlyq deńgeıine» jetkenin málimdegen bolatyn.
Onyń aıtýynsha, Túrkııa bolashaqta sonyń ishinde áskerı qyzmet ótetin jastardyń tapshylyǵyna tap bolýy múmkin, al 65 jastan asqan azamattardyń úlesi qazirdiń ózinde halyqtyń 10%-nan asyp ketken.
Eske sala ketsek, Qazaqstan týý kórsetkishi eń joǵary elderdiń qataryna endi.
Jańa jyl túni eń kóp náreste dúnıege kelgen óńirler qandaı — myna materıaldan oqı alasyz.