Erdoǵan: Túrki áleminiń rýhanı murasyn saqtaý – ortaq mindet
ASTANA.KAZINFORM — Memleket basshysy Túrkııa Prezıdentimen kezdesýdiń qorytyndysy boıynsha baspasóz konferentsııasyn ótkizdi. Bul týraly Aqordanyń baspasóz qyzmeti habarlady.
Rejep Taııp Erdoǵan búgingi kelissózder barysynda ekonomıkanyń túrli salalaryndaǵy yntymaqtastyq máseleleri jan-jaqty talqylanǵanyn jetkizdi.
Sondaı-aq Túrkııa Prezıdenti eki eldiń iskerlik ortalary arasyndaǵy yqpaldastyqty arttyrý baǵytyndaǵy jumystar jalǵasa beretinin aıtty.
– Jibek jolynyń búgingi balamasy retinde Kaspıı arqyly ótetin Orta dálizdiń mańyzy kún sanap artyp keledi. Biz Qazaqstanmen jáne basqa da seriktesterimizben birge bul dálizdi taýar tasymalyn ilgeriletý úshin yntalandyrýdy jalǵastyramyz. Jerorta teńizinen Ortalyq Azııaǵa deıingi aýmaqta tilde, pikirde, iste birlik uranymen baılanystarymyzdy jańa deńgeıge kóterýge nıettimiz. Túrki áleminiń mádenı qazynalaryn, uly tulǵalardyń ıdeıalaryn, shyǵarmalary men rýhanı murasyn bolashaq urpaqqa amanattaýdy ortaq jaýapkershiligimiz dep bilemiz, – dedi Rejep Taııp Erdoǵan.
Aıta ketelik Memleket basshysy Túrkııa Prezıdentimen kezdesýdiń qorytyndysy boıynsha baspasóz konferentsııasyn ótkizdi.
