Erdoǵan túrik tiliniń tazalyǵyn saqtaýǵa shaqyrdy

ASTANA. QazAqparat - Túrkııa prezıdenti Redjep Taıyp Erdoǵan túrik tiliniń tazalyǵyn saqtaýǵa shaqyrdy, dep habarlaıdy «Anadolý» agenttigi.

Túrkııa prezıdenti Ankarada ótken 8-shi Halyqaralyq túrik tili sezine qatysyp, túrik tiliniń álemdegi eń baı tilderdiń biri ekendigin jáne túrik halqynyń ulttyq biregeıliginiń negizin quraıtyndyǵyn atap ótti.

«Túrik tilinde negizsiz qoldanylatyn kirme sózder kóbeıip barady. Mysaly, Túrkııanyń sport keshenderine janýarlar jarysyn uıymdastyratyn eýropalyq ortalyqtardyń atyn berý - durys emes jáne laıyqsyz», - dedi Erdoǵan.

Erdoǵan myńdaǵan jyldar buryn jasalǵan túrik tiliniń sózdiginde 10 myńǵa jýyq sóz bolǵandyǵyn eske saldy. «Mundaı tildi «kedeı» deý - aqylǵa syımaıdy. Tildiń álsireýimen birge halyqtyń rýhy da álsireıtinin umytpaý kerek. Sondyqtan tildi qorǵaý qajet. Túrik tiliniń baılyǵy men saqtalýy óte mańyzdy», - dedi ol.