Toqaev Erdoǵannyń bıyl Túrkııada ótetin joǵary deńgeıdegi birqatar kezdesýge shaqyrýyn yqylaspen qabyl aldy
ASTANA.KAZINFORM — Rejep Taııp Erdoǵan Qasym-Jomart Toqaevty bir palataly Quryltaı depýtattarynyń alǵashqy saılaýy tabysty ótýimen quttyqtady. Bul týraly Aqordanyń baspasóz qyzmeti málim etti.
Túrkııa Prezıdenti atalǵan tarıhı ýaqıǵa elimizdiń qoǵamdyq-saıası jáne áleýmettik-ekonomıkalyq turǵydan odan ári órkendeýine septigin tıgizedi dep sanaıdy. Bul rette ol parlamentaralyq yntymaqtastyqty jandandyrýdy usyndy.
Qasym-Jomart Toqaev jyly lebiz bildirgeni, sondaı-aq halyqaralyq uıymdar quramyndaǵy túrkııalyq baıqaýshylar mıssııasynyń belsendiligi úshin Túrik kóshbasshysyna alǵys aıtty.
Memleket basshysy elimizde júrgizilip jatqan aýqymdy reformalar ozyq, zamanaýı ári ádiletti Qazaqstan qurýǵa baǵyttalǵanyna nazar aýdardy.
Áńgimelesý barysynda myzǵymas dostyq pen keńeıtilgen strategııalyq seriktestik rýhyndaǵy ekijaqty qarym-qatynastyń damý qarqynyna oń baǵa berildi.
Qasym-Jomart Toqaev Túrkııa Prezıdentiniń bıyl mamyr aıynda Astanaǵa jasaǵan memlekettik sapary aıasynda qol jetkizilgen ýaǵdalastyqtardyń mańyzyna toqtaldy.
Taraptar aldaǵy halyqaralyq is-sharalar kestesin talqylady. Prezıdent Qasym-Jomart Toqaev Rejep Taııp Erdoǵannyń bıyl Túrkııada ótetin joǵary deńgeıdegi birqatar kezdesýge shaqyrýyn yqylaspen qabyl aldy.
Aıta keteıik, buǵan deıin Memleket basshysy QHR Tóraǵasy Sı Tszınpınge kóńil aıtqan bolatyn.
