Erdoǵan Toqaevty cáýirde ótetin Dıplomatııalyq forýmǵa shaqyrdy
ASTANA. KAZINFORM – Memleket basshysy Túrkııa Prezıdenti Rejep Taııp Erdoǵanmen telefon arqyly sóılesti, dep habarlaıdy Aqorda.
Eń aldymen Qazaqstan jáne Túrkııa prezıdentteri Oraza aıt pen Naýryz merekelerine oraı bir-birine izgi tilekterin jetkizdi.
Rejep Taııp Erdoǵan Memleket basshysyn jalpyulttyq referendýmnyń sátti ótýimen jáne Qazaqstan Respýblıkasynyń jańa Konstıtýtsııasy qabyldanýymen quttyqtady.
Túrkııa Prezıdenti atalǵan oń ózgerister Qasym-Jomart Toqaevtyń parasatty ári batyl saıasatynyń nátıjesi ekenin atap ótip, Negizgi zań Qazaqstannyń odan ári qarqyndy damýyna, sondaı-aq ishki jáne halyqaralyq áleýetiniń nyǵaıýyna tyń serpin beretinine senim bildirdi.
Qazaqstan Prezıdenti túrik baıqaýshylarynyń referendýmǵa belsendi atsalysqany úshin alǵys aıtyp, muny baýyrlas ári dostas elder qarym-qatynasynyń bir kórinisi retinde baǵalady.
Rejep Taııp Erdoǵan bıyl 14 mamyrda Qazaqstanǵa josparlanǵan memlekettik saparyna jáne osy sapar aıasynda ótetin joǵary deńgeıdegi Strategııalyq yntymaqtastyq keńesiniń otyrysyna, sondaı-aq Túrki memleketteri uıymynyń beıresmı sammıtine aıryqsha mán beretinin málimdedi.
Qasym-Jomart Toqaev Túrkııa basshysynyń Astanada uıymdastyrylatyn joǵary deńgeıdegi kelissózder eki eldiń strategııalyq seriktestigine tyń serpin berý turǵysynan asa mańyzdy degen pikirin quptady.
Sonymen qatar Túrkistandaǵy túrkitildes elder basshylarynyń sammıtine úlken úmitpen qaraıtynyn aıtty. Memleket basshysynyń pikirinshe, qazaq halqy Túrkııa Prezıdentin elimizdiń tórinde qýana qarsy alady.
Óz kezeginde Rejep Taııp Erdoǵan Memleket basshysyn cáýirde Antalııada ótetin Dıplomatııalyq forým otyrysyna qatysýǵa shaqyrdy.
Qazaqstan Prezıdenti shaqyrýdy yqylaspen qabyl aldy.
Aıta keteıik, Prezıdent BAÁ-niń Qazaqstandaǵy elshisin qabyldady.
