Erdoǵan: Taıaý Shyǵys máselesi sheshilmeıinshe, beıbitshilikke qol jetkizý múmkin emes
Túrkııanyń basty maqsaty – Izraıl-Palestına qaqtyǵys aımaǵyndaǵy atysty toqtatý jáne osy maqsatta Ankara barlyq qajetti qadamdy jasaýǵa tyrysady. Bul týraly jýrnalısterge Túrkııa prezıdenti Rejep Taıyp Erdoǵan aıtty. Kazinform bul týraly Anadolu agenttigine silteme jasap habarlaıdy.
Rejep Taıyp Erdoǵan Gazadaǵy soǵysty toqtatý úshin Batysty Izraılge qysym kórsetýge shaqyrdy.
«Izraıl máselesi sheshilmeıinshe, bizdiń aımaqta, búkil álemde de turaqty beıbitshilik pen tolyq halyqaralyq quqyqtyq tártip bolýy múmkin emes. Bizge naqty qadam qajet. Bul rette BUU qararlarynan artyq ne bolýy múmkin? Eger sizder soǵysty toqtatýǵa shyn nıetti bolsańyzdar, BUU sheshimderin oryndaý úshin Izraılge qysym kórsetińizder. Óıtkeni adamdar qyrylyp jatyr, analar balalarynan, balalar ata-analarynan aıyrylyp jatyr. Biz bul qansyraǵan jarany toqtatý úshin qandaı da bir qadam jasaýǵa talpynyp jatyrmyz. Eger Amerıka Qurama Shtattary osy tásildi qoldana bastasa, Izraıldi toqtatý jeńilirek bolar edi», - dedi Erdoǵan.
