Erdoǵan SІM basshysy Ahmet Dáýitoǵlyny premer-mınıstr etip taǵaıyndady
ASTANA. QazAqparat - Túrkııa prezıdenti laýazymyna búgin kirisken Taııp Erdoǵan Ahmet Dáýitoǵlyny premer-mınıstr etip taǵaıyndady. Sondaı-aq eldiń jetekshi Ádildik pen damý partııasynyń kóshbasshysy bolyp saılandy, dep habarlady RBK.
Budan buryn Dáýitoǵly Túrkııanyń syrtqy ister mınıstri laýazymyn atqardy, onyń jańa taǵaıyndalýy kútilgen jaǵdaı bolatyn.
Erdoǵan 10 tamyzda ótken alǵashqy Túrkııa prezıdentin tikeleı saılaýda jeńiske jetti. Zańnamaǵa ózgeris 2012 jylǵy qańtarda engizildi. Al 1923 jyldan bastap memleket basshysyn parlament saılap kelgen.
Erdoǵan túrik úkimetin 2003 jylǵy naýryzdan bastap basqaryp keledi, oǵan deıin Ystambul meri bolǵan. Saılaýaldy úgit-nasıhat barysynda ol saılaýshylarǵa Túrkııany álemdegi kóshbasshy elge aınaldyrýǵa, negizgi zańǵa prezıdentke barynsha ókilettik beretin ózgerister engizýge ýáde berdi.
