Erdoǵan RF dıplomatyna jasalǵan qastandyqtan keıin Pýtınge habarlasty
ASTANA. QazAqparat - Túrkııa prezıdenti Redjep Taıyp Erdoǵan Reseı basshysy Vladımır Pýtınge telefon arqyly habarlasyp, Ankarada óltirilgen Elshi Andreı Karlovqa jasalǵan shabýyl jóninde aıtyp berdi.
Bul týraly R.Erdoǵannyń baspasóz hatshysy Ibragım Kalyn málim etti, dep habarlaıdy Bı-Bı-Sı CNN Turk telekompanııasynyń "Tvıtterdegi" resmı akkaýntyna silteme jasap.
Reseı elshisi 19 jeltoqsan kúni Ankarada «Reseı Kalınıngradtan Kamchatkaǵa deıin» atty kórmeniń ashylýynda sóz sóıleý barysynda atyp óltirildi.
Tapanshamen qarýlanǵan er adam elshige oq atqannan keıin «Allahý ákbar! Allepo týraly umytpańdar! Sırııa týraly umytpańdar!», dep aıǵaılaǵan (keıin vıdeo ınternetten alynyp tastaldy).
Ankara meri Melık Gekchek «Tvıtterdegi» óziniń jazbasynda, shabýyl jasaǵan er adam polıtseı bolǵanyn, al onyń qylmystyq áreketi 2016 jyldyń jazynda ǵana retke keltirilgen Reseı men Túrkııa arasyndaǵy qarym-qatynasty qaıta ýshyqtyrý bolyp tabylatynyn aıtty.
RF SІM Andreı Karlovtyń óltirilgeni týraly aqparatty rastap, oryn alǵan jaǵdaıdy lańkestik ekendigin aıtty. Jáne bul máseleni BUU Qaýipsizdik keńesiniń talqysyna shyǵarýǵa ýáde etti.
Andreı Karlov Túrkııadaǵy elshilik qyzmetine 2013 jyldyń 12 maýsymynda kirisken edi. Aıta keteıik, sońǵy kezderi Túrkııada Sırııadaǵy reseılik saıasatqa qarsy aktsııalar jıi ótip turdy.
