Erdoǵan Pýtınge Ýkraına boıynsha taraptardyń baılanys ornatýyna járdemdesýge daıyn ekenin aıtty
ASTANA. KAZINFORM — Túrkııa prezıdenti Rejep Taııp Erdoǵan Reseı prezıdenti Vladımır Pýtınmen telefon áńgimesinde respýblıkanyń Reseı men Ýkraına arasyndaǵy tikeleı baılanystardy jeńildetetin barlyq bastamalarǵa kómek kórsetýge daıyn ekenin málimdedi, dep habarlaıdy TASS.
— Prezıdent Rejep Taııp Erdoǵan Reseı prezıdenti Vladımır Pýtınmen telefon arqyly sóılesti. Áńgime barysynda Túrkııa men Reseı arasyndaǵy ekijaqty qarym-qatynas, Reseı men Ýkraına arasyndaǵy soǵys, sondaı-aq aımaqtyq jáne jahandyq máseleler talqylandy. Bizdiń prezıdentimiz Túrkııa taraptar arasyndaǵy tikeleı baılanystarǵa kómektesetin jáne aımaǵymyzda turaqty beıbitshilikke jol ashatyn barlyq dıplomatııalyq bastamalar men qoldaý josparlaryna úles qosýǵa daıyn ekenin málimdedi, — delingen Túrkııa basshysy keńsesiniń málimdemesinde.
Kelissóz barysynda Erdoǵan sondaı-aq Túrkııa ádil jáne uzaq merzimdi beıbitshilikke qol jetkizý arqyly Reseı-Ýkraına qaqtyǵysyn toqtatýǵa baǵyttalǵan kúsh-jigerin jalǵastyratynyn málimdedi.
Buǵan deıin Erdoǵan 24 qarashada Pýtınmen Ýkraınadaǵy jaǵdaıdy talqylaıtynyn jazǵan edik.
Eske sala ketsek, Erdoǵan Ystanbulda Reseı men Ýkraına kelissózin qaıta bastaýǵa shaqyrdy.
Al Shveıtsarııada Ýkraına boıynsha kelissóz aıaqtaldy. Oǵan Ulybrıtanııa, Frantsııa, Germanııa, Ýkraına jáne AQSh ókilderi qatysty.