Erdoǵan oppozıtsııa lıderin qorlaǵany úshin sotqa berdi

ASTANA. KAZINFORM —  Túrkııadaǵy bılik pen oppozıtsııa arasyndaǵy teketires jalǵasyp jatyr. Іshki saıası kún tártibiniń keıbir oqıǵalary quqyqtyq salaǵa aýysyp jatyr, dep habarlaıdy Kazinform agenttiginiń menshikti tilshisi. 

Túrkııa prezıdenti Redjep Taıyp Erdogan oppozıtsııalyq Halyqtyq-respýblıkalyq partııasynyń (HRP) jetekshisi Ózgúr Ózelge qarsy 500 myń túrik lırasy (shamamen 13 000 dollar) kóleminde aryz berdi.

Sot isiniń bastalýyna sebep bolǵan jaǵdaı kemalıst Ózeldiń mıtıngte Túrkııa prezıdentin «hýnta» dep ataýy.

Erdogannyń advokaty Húseın Aıdyn bul týraly áleýmettik jelilerde habarlap, prokýratýraǵa prezıdentti qorlaý boıynsha shaǵym túskenin naqtylady.

Aıyptaý máni — Ózeldiń sózderi Túrkııa basshysynyń bedeline nuqsan keltirgeni, bul jergilikti zań boıynsha sotqa aryz berýge negiz bolady.

Belgili bolǵandaı, elde ishki saıası pikirtalas 19 naýryzda Ystambul meri Ekrem Imamoglýdyń tutqyndalýynan keıin bastaldy. Túrkııada birden jappaı narazylyq bastaldy.

Erdogan oppozıtsııany ishki máselelerdi saıası maqsatta paıdalaný áreketteri úshin synady. Túrkııada saıası daǵdarys jáne ózara aıyptaýlarmen qosa jalǵasyp jatyr.

Aıta ketelik sýyq pen aıaz Túrkııany lımon eksportyn toqtatýǵa májbúr etti.