Erdoǵan men Pýtın Ystanbulda Reseı-Ýkraına kelissózderin ótkizýge kelisti

ANKARA. TASS- QazAqparat - Reseı prezıdenti Vladımır Pýtın men Túrkııa basshysy Rejep Taııp Erdoǵan jeksenbi kúni telefon arqyly sóılesý barysynda Reseı men Ýkraına delegatsııalary arasyndaǵy kelissózderdiń kelesi raýndyn Ystanbulda ótkizý týraly ýaǵdalasty, dep habarlaıdy QazAqparat TASS agenttigine silteme jasap.

«Kelissózder barysynda Reseı-Ýkraına soǵysyndaǵy sońǵy jaǵdaı men kelissózder barysy talqylandy. Prezıdent Erdoǵan men Reseı prezıdenti Vladımır Pýtın Reseı men Ýkraına kelissózder delegatsııalarynyń kelesi kezdesýin Ystanbulda ótkizýge kelisti», - dep habarlady jýrnalısterge Túrkııa prezıdentiniń keńsesinen.

Buǵan deıin Reseı delegatsııasynyń basshysy, prezıdent kómekshisi Vladımır Medınskıı Reseı men Ýkraına delegatsııalary kelissózderdiń kezekti betpe-bet raýndyn 29-30 naýryzda ótkizý týraly sheshim qabyldaǵanyn habarlaǵan bolatyn.

Sondaı-aq Erdoǵan jeksenbi kúni Pýtınmen telefon arqyly sóılesken kezde Ankara Reseı men Ýkraına arasynda beıbitshiliktiń ornaýyna yqpal etýdi jalǵastyratynyn atap ótken.

«Prezıdent Erdoǵan Reseı men Ýkraına arasynda qysqa ýaqytta bitim men beıbitshilik ornatý, sondaı-aq óńirdegi gýmanıtarlyq jaǵdaıdy jaqsartý qajettigin, Túrkııa bul jaǵdaıǵa óz úlesin qosýdy jalǵastyratynyn aıtty», - dep habarlady jýrnalısterge Túrkııa prezıdentiniń keńsesinen.