Erdoǵan Kaıserıdegi teraktige kim qatysy bolýy múmkin ekendigin aıtty

ASTANA. QazAqparat - Túrkııada qyzmetine tyıym salynǵan Kúrdistannyń jumysshy partııasy Kaıserı qalasynda bolǵan terakt úshin jaýapty, delingen el prezıdenti Rejep Taııp Erdoǵannyń senbi kúngi jazbasha málimdemesinde.

Osyǵan deıin Túrkııa Bas shtaby áskerılerge qarsy Kaıserıde bolǵan terakt týraly habarlaǵan bolatyn. Mına qoıylǵan kólik qyzmetten bosatylǵan soldattar men efreıtorlar ketip bara jatqan avtobýstyń janynda jarylyp, 13 adam mert boldy, 55 adam dene jaraqatyn aldy.

Túrkııa Premer-Mınıstri Bınalı Iyldyrym teraktiniń jankeshti-sodyr júzege asyrǵandyǵyn málimdedi, dep habarlady Rıa Novostı.

«Separatıstik terrorıstik uıym osy qanquıly áreket úshin jaýapty. Ol óz maqsatyna jetý úshin bárine barýda. Bul oqıǵa Sırııa men Iraktaǵy oqıǵalardan tys bolyp jatqan joq. Túrkııa birneshe terrorıstik uıymnyń kózdegen nysanasyna aınalyp otyr»,-delingen Erdoǵannyń jazbasha málimdemesinde.

Ol sondaı-aq Túrkııanyń terrorızmmen kúresin tabandy jalǵastyra beretinin aıtady.