Erdoǵan Ilon Maskke Túrkııada Tesla shyǵaratyn zaýyt ashýdy usyndy

Túrkııa prezıdenti Rejep Taııp Erdoǵan Nıý-Iorkte SpaceX jáne Tesla kompanııalarynyń negizin qalaýshy Ilon Maskpen kezdesti. Bul jaıynda Anadoly agenttigine silteme jasap QazAqparat habarlaıdy.

Prezıdent Ilon Maskty Nıý-Iorktegi Türkevi-nde qabyldady. Mask qonaqqa ulyn ertip keldi.

Prezıdenttik kommýnıkatsııalar keńsesiniń málimdemesine sensek, Erdoǵan Maskke Túrkııanyń tehnologııalyq jetistikteri, Digital Turkey Vision baǵdarlamasy jáne ulttyq jasandy ıntellekt strategııasy týraly baıandap bergen.
Ol Tesla-nyń túrik naryǵyna shyǵýy Togg óndirisiniń iske qosylýymen tuspa-tus kelgenin eske saldy.

Erdoǵan Tesla kompanııasynyń jetinshi zaýytyn Túrkııada salýǵa shaqyrdy. 

Kezdesýde prezıdent Erdoǵan Túrkııa joǵary tehnologııa salasyndaǵy eń mańyzdy óndirýshi elderdiń biri ekenin aıtyp, eldiń ushqyshsyz ushý apparattary salasyndaǵy jetistikterin mysalǵa keltirdi.

Mask keleshekte soǵystar qazirgi zamanǵy ushqyshsyz ushaqtar arasynda júrgiziletinin jáne álemniń Bayraktar-dyń ushqyshsyz ushý apparatyna degen qyzyǵýshylyǵyn biletinin aıtty.

Túrkııa prezıdenti Maskty Izmırdegi Teknofest festıvaline shaqyrdy.