Erdoǵan eldiń soltústigindegi 3 provıntsııany «tabıǵı apat aımaǵy» dep jarııalady

ANKARA. Anadoly-QazAqparat – Túrkııa prezıdenti Rejep Taıyp Erdoǵan sý tasqyny men selden zardap shekken Kastamoný, Bartyn jáne Sınop aýdandaryn «tabıǵı apat aımaǵy» dep jarııalady, dep habarlaıdy QazAqparat Anadoly agenttigine silteme jasap.

«Sel tasqyny qıratqan úılerdiń ornyna jańa zamanaýı úıler turǵyzylady. Elimiz óz jolyn belsendi qarqynmen jalǵastyrady», - dep málimdedi memleket basshysy.

Erdoǵan Túrkııa men onyń halqy osy kezeńnen sátti ótken soń jańa negizgi kezeń bastaıtynyn atap ótti.

11 tamyzda Túrkııanyń soltústiginde tolassyz jaýǵan jańbyr saldarynan sel, kóshkin júrdi jáne sý tasqyny boldy. Tabıǵı apattan Kastamoný provıntsııasynda 25, kórshi Sınopta eki adam qaza tapty.