Erdoǵan Atatúrik áýejaıyn álemdegi eń iri tehnologııalyq habqa aınaldyrýdy usyndy
ASTANA. KAZINFORM — Túrkııa 2030 jylǵa qaraı jalpy quny 100 mıllıard dollar bolatyn 100 000 tehnologııalyq startap qurýdy maqsat etedi. Bul týraly prezıdent Rejep Taıyp Erdoǵan Ystambulda ótken 13-shi Túrkııa eksporttaýshylar qaýymdastyǵynyń ınnovatsııalyq aptalyǵynda sóılegen sózinde málimdedi, dep habarlaıdy Anadolu.
Memleket basshysy ulttyq tehnologııalyq bastamanyń arqasynda Túrkııa qýatty ǵylymı-zertteý, tájirıbelik-konstrýktorlyq jáne ınnovatsııalyq ınfraqurylym qurǵanyn, oǵan tek sanaýly elder ıe ekenin atap ótti.
Erdoǵannyń aıtýynsha, 2025 jyly Túrkııa álemniń 180 eli men aımaǵyna 10 mıllıard dollardan astam somaǵa qorǵanys jáne aeroǵarysh ónimderin eksporttady.
Prezıdent sonymen qatar Ystambuldyń Atatúrik áýejaıynyń termınaldaryn Terminal İstanbul brendimen álemdegi eń iri tehnologııalyq jáne kásipkerlik habyna aınaldyrý josparyn jarııalady.
- Túrkııa úshin joǵary tehnologııalarǵa ınvestıtsııa salý - tańdaý emes, qajettilik. Biz qosylǵan quny joǵary óndiriske kóshýdi jedeldetýimiz kerek, - dep atap ótti túrik kóshbasshysy.
Aıta keteıik, Qazaqstan men Túrkııa júk tasymalyna elektrondy ruqsat berý júıesin engizdi.
