Erdoǵan Armenııamen baılanysty jaqsartýdy qoldaıtynyn málimdedi
ASTANA. KAZINFORM — Túrkııa Prezıdenti Rejep Taııp Erdoǵan Armenııamen saýda jáne kólik baılanystaryn qalypqa keltirýdi qoldaıtynyn málimdedi, dep habarlaıdy Kazinform agenttiginiń Ankaradaǵy menshikti tilshisi.
Bul týraly ol Nıý-Iorkte BUU Bas Assambleıasynyń 81-sessııasy kezinde Armenııa Premer-mınıstri Nıkol Pashınıanmen ótken kezdesýde aıtty.
Kezdesýde ekijaqty qarym-qatynas, sondaı-aq óńirlik jáne halyqaralyq máseleler talqylandy. Erdoǵan Túrkııanyń Armenııamen aradaǵy oń qarym-qatynasty saqtaýǵa múddeli ekenin aıtyp, Armenııa men Ázerbaıjan arasyndaǵy beıbitshilik ornatýǵa baǵyttalǵan ózara qadamdardy quptaıtynyn jetkizdi.
Onyń aıtýynsha, Túrkııa men Armenııanyń halyqaralyq uıymdardaǵy yntymaqtastyǵyn keńeıtý eki el arasyndaǵy baılanysty odan ári jaqsartýǵa yqpal etedi.
Sondaı-aq Erdoǵan Pashınıandy bıyl qarashada Túrkııada ótetin COP31 kóshbasshylar sammıtine qatysýǵa shaqyrdy.
Buǵan deıin Armenııa úkimetiniń 2026-2031 jyldarǵa arnalǵan baǵdarlamasynda Túrkııamen qarym-qatynasty qalypqa keltirý úshin Armenııa-Túrkııa shekarasyn ashyp, keminde eki zamanaýı shekara ótkelin paıdalanýǵa berý josparlanǵanyn habarlaǵan edik.
