Erdoǵan 34 áripke negizdelgen túrki álipbıin qoldaný aıasyn keńeıtýdi usyndy
ASTANA. KAZINFORM — Túrki memleketteri uıymynyń beıresmı sammıtinde Túrkııa Prezıdenti Rejep Taııp Erdoǵan 34 áripke negizdelgen túrki álipbıin qoldaný aıasyn keńeıtýdi usyndy.
— Biz qazirdiń ózinde mádenı-gýmanıtarlyq salada aıtarlyqtaı jetistikterge qol jetkizip otyrmyz. Ortaq túrki tildik jáne mádenı platformasynyń moıyndalýy men damýy mańyzdy jetistikterdiń birine aınaldy. 34 áripke negizdelgen túrki álipbıin qoldaný aıasyn keńeıtý, sondaı-aq qatysýshy elderdegi ǵylymı jáne bilim berý bastamalaryn qoldaý mańyzdy. Túrki áleminiń tilderi men mádenı murasyn qoldaý úshin jasandy ıntellekt tehnologııalaryn damytý erekshe mańyzǵa ıe, — dedi Rejep Taııp Erdoǵan
Aıta keteıik, sammıtte Memleket basshysy Qasym-Jomart Toqaev Qazaqstan túrki memleketteriniń azamattaryn oqytýǵa arnaıy granttar bólýge daıyn ekenin aıtty.
