Erdoǵan 24 qarashada Pýtınmen Ýkraınadaǵy jaǵdaıdy talqylaıdy
ASTANA.KAZINFORM - Túrkııa prezıdenti Rejep Taıyp Erdoǵan 24 qarashada Reseı prezıdenti Vladımır Pýtınmen telefon arqyly sóılesýdi josparlap otyrǵanyn aıtty. Ol bul týraly G20 sammıti ótken Ońtústik Afrıkadaǵy baspasóz máslıhatynda málimdedi, dep habarlaıdy TASS.
- Zelenskıı myrza osy aptada meniń qonaǵym boldy. Erteń men Pýtın myrzamen telefon arqyly sóılesemin. Árıne, bizdiń ekijaqty kezdesýlerimiz barysynda (G20 sammıtinde) Reseı men Ýkraına arasyndaǵy soǵysty jan-jaqty talqyladyq, jaǵdaıdy baǵaladyq jáne ne isteı alatynymyzdy qarastyrdyq. Biz beıbitshilikke qalaı qol jetkizýge bolatynyna berik nazar aýdardyq, - dedi ol.
Reseı men Túrkııa prezıdentteriniń aldaǵy kezdesýin Reseı prezıdentiniń baspasóz hatshysy Dmıtrıı Peskov rastady.
- Iá. Biz muny rastaı alamyz. Mundaı áńgime josparlanǵan, - dedi Peskov Túrkııa prezıdentiniń jospary týraly suraǵan kezde.
Eske sala keteıik, Túrkııa men Ýkraına prezıdentteri buǵan deıin Ankarada kezdesken. Ýkraınalyq áriptesi Vladımır Zelenskıımen birlesken baspasóz máslıhatynda Rejep Taıyp Erdoǵan Reseı men Ýkraına arasyndaǵy kelissózderdi Ystanbulda qaıta bastaýǵa shaqyrdy.
Sondaı-aq, biz Shveıtsarııada Ulybrıtanııa, Frantsııa, Germanııa, Ýkraına jáne AQSh ókilderi arasynda Reseı men Ýkraına arasyndaǵy daǵdarysty sheshý perspektıvalaryn talqylaý úshin kelissózder ótkenin habarladyq.