Erdoǵan: 2026 jyly NATO sammıti Ankarada ótedi

ASTANA. KAZINFORM – Túrkııa prezıdenti Rejep Taıyp Erdoǵannyń málimdeýinshe, 2026 jyly NATO memleket jáne úkimet basshylarynyń sammıti Ankara qalasynda uıymdastyrylady, dep habarlaıdy TASS.

— Gaagada ótken sońǵy NATO sammıtinde biz úshin mańyzdy sheshim qabyldandy — kelesi sammıt bizdiń elimizde ótedi. 2026 jyldyń shildesinde NATO kóshbasshylaryn elimizdiń astanasy Ankarada qabyldaımyz. Biz asa mańyzdy sheshimder qabyldanatyn orta qalyptastyramyz, — dedi Erdoǵan Ankarada ótken mınıstrler kabınetindegi otyrys qorytyndysy boıynsha. 

Aıta ketelik Túrkııada eldiń jańa konstıtýtsııasyn qabyldaý máselesi qaıtadan kóterilip jatyr.