Erbolat Dosaevqa shaǵym aıtqan almatylyq áıel talyp qaldy

ALMATY. KAZINFORM - Erbolat Dosaevtyń Áýezov aýdany turǵyndarmen kezdesýinde máselesin aıtpaq bolǵan áıel jylyp, qobaljyp, esinen tanyp qaldy. 

Almaty turǵyny qala ákimine ony otbasymen birge turyp jatqan úıinen qýyp jatqanyn aıtyp shaǵymdandy. 

«Rekettik jolmen, jalǵyz baspanamyzdy tartyp alyp jatyr. Kóshede qaldyq. Sebebi eshqaısysy ádildikti kórgisi kelmeıdi. Byltyr 1 naýryzda órt shyǵyp úıimiz órtenip ketti. Órt kezinde kórshi ǵımarat zardap shekti. Mine, barlyq tehnıkalyq zańbuzýshylyqpen salynǵan eki qabatty jataqhananyń zańsyzdyǵyn rastaıtyn qujattar bar. Tómende 5 bólme, joǵaryda 5 bólme, barlyq jerde gaz bar, 10 gaz núktesi bar. Negizi eki gaz núktesinen artyq salý ruqsat etilmeıdi. Menshik ıesi sotqa júgindi, sýdıa tehnıkalyq buzýshylyqtar úshin bizdiń ótinishimizdi qabyldamaıdy. Jataqhana bizdiń qorshaýdan 76 sm qashyqta ornalasqan. Bólmelerin sý basyp ketpesin dep, tóbesin bizdiń úıge qosty. Órt kezinde birge órtendi, endi ol 32 mln shyǵyndy óteýdi talap etip otyr. Bul bes bólme emes, búkil úıdiń quny», - deıdi áıel. 

Aıtýynsha, menshik ıesi ǵımaratyn esh jerde tirkemegen. Sonymen qatar ol qolynda bir ǵana qujattyń, qurylysqa esh qatysy joq organdardyń qoldary qoıylǵan qabyldaý-tapsyrý aktisi bar ekenin jetkizdi.

Erbolat Dosaev qala qurylysyn baqylaý basqarmasy basshysyna jataqhana qurylysynyń zańdylyǵyn tekserýdi, Tótenshe jaǵdaılar departamentiniń basshysyna órttiń qaı jerde jáne nelikten shyqqanyn, qurylys normalary saqtaldy ma, joq pa, sony anyqtaýdy tapsyrdy.

Óz kezeginde basqarma basyshysy jataqhana qurylysynda zańbuzýshylyqtar anyqtalǵanyn rastady.

«Biz sizge kómektesemiz, sot isin júrgizýge negiz beremiz. Ádilet departamentine ótinish, barlyq kóshirý áreketterin toqtata turyńyz. Biz qudiretti emespiz, olarǵa nemese basqalarǵa tapsyrma bere almaımyn. Maǵan baǵynbaıtyn bólimder men organdar bar. Men olardan tek suraı alamyn», - dedi Erbolat Dosaev.