Erbolat Dosaev: «Zerdeli» shaǵyn aýdanyndaǵy qurylys jumystary 2 aı ishinde aıaqtalýǵa tıis
ALMATY. QazAqparat – Erbolat Dosaev qaladaǵy nysandardy aralaý barysynda Zerdeli shaǵyn aýdanyndaǵy barlyq jumysty shilde aıynyń sońyna deıin aıaqtaýdy tapsyrdy, dep habarlaıdy QazAqparat tilshisi.
Eske salsaq, 2016 jyly 30 úı qısaıyp, turǵyndardyń ómirine qaýip tóngen edi. Bul jaǵdaı topyraq quramynyń ózgerýi jáne qurylys tehnologııasynyń buzylýyna baılanysty bolǵan. Úıdiń irgetasyn nyǵaıtý jumystary 7 jylǵa sozyldy. Almaty ákiminiń tikeleı aralasýynyń arqasynda byltyr jumys jandandy. Qazir jumys aıaqtalýǵa jaqyn.
Erbolat Dosaev jaýapty kompanııaǵa úılerdi nyǵaıtý jumystaryn 2 aı ishinde aıaqtaýdy tapsyrdy. Sonymen qatar Almaty ákimi shaǵyn aýdandaǵy jerdi abattandyrýdy jeke baqylaýyna aldy. Buryn bul jerde qańyraǵan 2 úı turǵan edi. Qurylys máselesin sheshý úshin «QazQSǴZI» AQ 2022 jyly tehnıkalyq zertteý júrgizdi. Nátıjesinde, qurylys aıaqtaýǵa jaramsyz dep tanyldy jáne buzyldy.
Qurylysty aıaqsyz qaldyrǵan «Daniya constraction» kompanııasy sot sheshimimen lıtsenzııasynan aıyryldy. Endi ákimdiktiń qoldaýymen buzylǵan úılerdiń ornyna saıabaq, fýtbol, voleıbol alańdary men vorkaýt salynady. Buǵan qosa, «Zerdeli» shaǵyn aýdanynda dene shynyqtyrý kesheni, 380 balaǵa arnalǵan jataqhanasy bar 720 oryndyq kásibı tehnıkalyq mektep pen 550 oryndyq jalpy bilim berý mektebi jáne saıabaq paıda bolady.
