Erbolat Dosaev Ulttyq qor aktıvteriniń tómendeý sebebin atady

NUR-SULTAN. QazAqparat – 2021 jyldyń aqpanynda Ulttyq qor aktıvteri 57,6 mlrd dollardy qurady. Bul týraly bgin Úkimet otyrysynda QR Ulttyq bank tóraǵasy Erbolat Dosaev aıtty , dep habarlaıdy QazAqparat tilshisi.

«Ulttyq qordyń aktıvteri bir aıdyń ishinde 70 mln AQSh dollaryna myna sebepter boıynsha tómendep, bıylǵy jylǵy aqpannyń sońynda 57,6 mlrd AQSh dollaryn qurady: Bıylǵy jylǵy aqpanda 375 mlrd teńgege nemese 900 mln AQSh dollaryna nysanaly jáne kepildendirilgen transfertter bólý úshin 443 mln AQSh dollary satyldy; Ulttyq qorǵa túsimder 164 mlrd teńge, onyń ishinde valıýtalyq túsimder 255 mln AQSh dollary nemese teńge balamasynda 106 mlrd boldy», - dedi 2021 jyldyń qańtar-aqpanyndaǵy elimizdiń áleýmettik-ekonomıkalyq damý qorytyndysy jaıynda baıandaǵan Erbolat Dosaev.

Onyń atap ótýinshe, MSCI World aktsııalar ındeksiniń osy jylǵy qańtardaǵy quldyraýdan keıin aqpanda 2,6 paıyzǵa ósýi Ulttyq qordyń oń ınvestıtsııalyq kirisine yqpal etti. Ol bir aıda 116 mln AQSh dollary boldy.