Erbolat Dosaev teńgeniń álsireý sebebin atady
«Bıylǵy jylǵy qarashada koronavırýstyń jańa shtamynyń tabylýy jáne onyń AQSh pen Eýropada taralýyna qatysty habarlardyń taraýy aıasynda álemdik qarjy jáne taýar naryqtarynda joǵary qubylmalylyq baıqaldy. Bul munaıdyń belgilengen baǵasynyń kúrt tómendeýine alyp keldi. Munaıdyń álemdik baǵasy tamyzdyń sońynan bastap eń tómengi deńgeı – bir barrel úshin 65-66 AQSh dollaryna deıin arzandady»,- dedi ol.
UB tóraǵasynyń aıtýynsha, álemdik valıýta naryǵynda da damýshy elder valıýtalarynyń jahandyq álsireýi baıqaldy: Reseı rýbli bir aıda 4,7, Ońtústik Afrıka randy 4,3, Meksıka pesosy 4,3 paıyzǵa álsiredi.
«Іrgeli faktorlardyń nasharlaýy qarashada teńgeniń bir AQSh dollary úshin 434 teńge 20 tıynǵa deıin 1,7 paıyzǵa álsireýine sebep boldy. Bıylǵy jylǵy 8 jeltoqsandaǵy jaǵdaı boıynsha teńge baǵamy bir AQSh dollary úshin 434 teńge 46 tıyndy qurady», - dedi Erbolat Dosaev.
Onyń atap ótýinshe, bıýdjetke transfertter bólý úshin Ulttyq qor qarajatyn konvertatsııalaý operatsııalary jáne kvazımemlekettik sektor satýlary ulttyq valıýtaǵa qoldaý kórsetti. Bul rette salyq kezeńi eksporttaýshylardaǵy teńgelik ótimdiliktiń jetkiliktiligine baılanysty ulttyq valıýtaǵa aıtarlyqtaı qoldaý kórsete alǵan joq.
«Belgisizdiktiń týyndaýy men syrtqy jaǵdaılardyń kúrt nasharlaýy aıasynda jeke jáne zańdy tulǵalarda shetel valıýtasyna suranys aıtarlyqtaı ósti. Ulttyq bank teńgeni turaqsyzdandyratyn aýytqýlardy boldyrmaý maqsatynda bıylǵy jylǵy qarashanyń sońǵy kúnderinde 239 mln AQSh dollary somasyna 2020 jylǵy qazannan bastap alǵash ret valıýtalyq ınterventsııa júrgizdi», - dedi UB tóraǵasy.