Erbolat Dosaev teńge baǵamyna qatysty túsinik berdi
«2020 jyly Qazaqstannyń valıýta naryǵy kúrdeli kútpegen ózgeristerdi ótkerdi. Jahandyq pandemııa jáne shıkizat naryqtaryndaǵy kútpegen ózgerister 2020 jylǵy naýryzda teńge baǵamynyń 17 paıyzǵa 448,5 teńgege deıin álsireýine ákeldi. Osynyń aıasynda Ulttyq bank Úkimetpen birlesip, ishki valıýta naryǵynda turaqtylyqty qamtamasyz etý boıynsha sharalar keshenin qabyldady», - dedi E. Dosaev.
Onyń aıtýynsha, tıisti qabyldanǵan sharalardyń arqasynda teńgeniń aıyrbastaý baǵamy álsireýin birshama ótep, 2020 jyldyń sońyna qaraı 6,1 paıyzǵa 420,91 teńgege deıin nyǵaıdy.
«Nátıjesinde, damýshy naryqtar valıýtalarynyń aıtarlyqtaı álsireýi aıasynda teńgeniń baǵamy bir jyl ishinde tek 10 paıyzǵa tómendedi. 2021 jyly ózgermeli baǵam rejımin nyǵaıtý jáne Ulttyq qordyń aktıvterin konvertatsııalaý jáne naryqtyń qubylmalylyǵyn retteý operatsııalaryn júrgizý kezinde naryqtyq qaǵıdattardy saqtaý boıynsha odan ári sharalar qabyldanatyn bolady», - dedi UB basshysy.
Onyń sózine qaraǵanda, 2015 jyldan beri baıqalǵan tólem balansynyń sozylmaly tapshylyǵy syrtqy jaǵdaılardyń nasharlaýy aıasynda kúsheıe túsken.
