Erbolat Dosaev teńge baǵamyna áser etetin faktorlardy atady
Onyń aıtýynsha, 2019 jyldyń mamyr aıynda aılyq ınflıatsııa 0,6% qurady. Al jyldyq ınflıatsııa 5,3% deıin kóterilgen.
«Sońǵy ýaqytta ishki valıýta naryǵyndaǵy jaǵdaıǵa munaıdyń álemdik baǵasy kóp yqpal etti. 27 mamyr men 5 maýsym aralyǵynda munaı baǵasy 60,6 dollarǵa deıin shamamen 13% tómendedi. Alaıda sońǵy eki kúnde munaı baǵasy ózgerdi, búgin 62,3 dollar boldy. Buǵan AQSh pen Meksıkanyń zańsyz kóshi-qondy baqylaýdy kúsheıtý týraly kelisimge kelýi áser etti. Sonymen birge, 2019 jyldyń ekinshi jarytsynda munaı eksporttaýshy elder uıymy óz kelisimin uzartýy múmkin. Saldarynan 27 mamyr men 5 maýsym aralyǵynda teńge baǵamy 1,3% álsiredi», - dep atap ótti Erbolat Dosaev Úkimet otyrysynda.
Bank basshysy jaǵdaıdyń turaqtalǵanyn, 5-10 maýsym kúnderi ulttyq valıýtanyń 0,3% nyǵaıǵanyn jetkizdi.
Sonymen birge, E. Dosaev Ulttyq banktiń bazalyq stavkany 9% deńgeıinde saqtap qalatynyn málimdedi.
